2023-2024 թվականների ընթացքում ԱՐԻ գրականության հիմնադրամը կապեր է հաստատել «Հայ մշակութային և գիտական ընկերակցություն հիմնադրամի» (ASOF) հետ` կազմակերպություն, որը տրամադրում է անհրաժեշտ փորձագիտական և մարդկային ռեսուրսներ՝ աջակցելով անհրաժեշտ համագործակցությունների ստեղծմանը և կարևոր նախագծերի իրականացման համար դրամահավաքների կազմակերպմանը: ԱՐԻ գրականության հիմնադրամի երկարաժամկետ՝ «Հայաստանյան գրական ոդիսական» նախագիծը առաջադրվել է ASOF-ի կողմից՝ հետագա ֆինանսավորում ստանալու և իրականացվելու համար։

Հիմնադրվել են բոլոր անհրաժեշտ ենթակառուցվածքները դրամահավաքի հնարավորություն ստեղծելու և ֆինանսավորողների, կառավարության և իրականացնող կազմակերպության հետ թափանցիկ համագործակցություն ունենալու համար։ Այս բազմատարր նախագծի նպատակն է խթանել հայ գրականության և մշակույթի տարածումը ամբողջ աշխարհով։ Ծրագրի վերջնարդյունքի տեսլականն է՝ Հայաստանը՝ Ֆրանկֆուրտի գրքի ցուցահանդեսի պատվո հյուր։

Նախագծի մասին ավելին իմանալու համար՝ կարող եք դիտել նախագծի մասին տեսանյութը: Ծրագրին ֆինանսական աջակցություն ցուցաբերելու համար, խնդրում ենք կապ հաստատեք ԱՐԻ գրականության հիմնադրամի հետ [email protected] էլ․ հասցեով կամ ASOF-ի մշակութային բաժնի՝ SIREH-ի հետ [email protected] էլ․ հասցեով։

Եթե ​​ցանկանում եք կատարել հարկերը նվազեցվող նվիրատվություն ԱՄՆ-ից, կարող եք միջոցներն ուղարկել մեր գործընկերոջը՝ «Հայ մշակութային և գիտական ընկերակցություն հիմնադրամին» (ASOF), որը 501(c)(3) տեսակի շահույթ չհետապնդող կազմակերպություն է և գրասենյակներ ունի ինչպես ԱՄՆ-ում, այնպես էլ Հայաստանում։