«ԱՐԻ գրականության հիմնադրամի» առաքելությունն է Հայաստանի ներկայությունը համաշխարհային գրական և հրատարակչական քարտեզի վրա ապահովելը: Մեր նպատկն է խթանել Հայաստանի մշակութային համբավն ու ազդեցությունն ամբողջ աշխարհում ՝ տարածելով հայ գրականությունը և ներգրավելով ոլորտի հիմնական խաղացողներին համաշխարհային մակարդակով:

«ԱՐԻ գրականության հիմնադրամը» սկսում ենք դրամահավաք՝ այս նպատակների իրականացմանն ուղղված ծրագիրն իրականացնելու համար։ Մենք մշակել ենք նախագիծ՝ հիմնված համաշխարհային լավագույն փորձի օրինակի վրա և միտված հայ գրականության խթանմանը։ Մեր նախագծի խորագիրն է «Բացահայտի՛ր հայ գրականությունը»։

Այն ունի չորս բաղադրիչ.

1. Վերապատրաստման և կացության ծրագրեր հայերենից օտար լեզուներ գրական թարգմանիչների համար
2. Մասնագիտական այցերի ծրագիր օտարերկրյա հրատարակչների, խմբագիրների, լրագրողների և փառատոների կազմակերպիչների համար՝ անմիջականորեն հայ գրահրատարակչական ոլորտի ներկայացուցիչների հետ փորձի փոխանակաման և շփման նպատակով
3. Մասնակցություն գրքի միջազգային ցուցահանդեսներին՝ հայ գրականությունը տարածելու նպատակով
4. Համաշխարհային տեսանելիության ապահովում (հրատարակումներ միջազգային մեդիա հարթակներում և մասնակցություն միջազգային փառատոներին, համաժողովներին և այլ կարևոր միջոցառումներին)

Եթե կցանկանաք իմանալ ավելին «Բացահայտի՛ր հայ գրականությունը» ծրագրի մասին, գրե՛ք [email protected]  էլ․ հասցեին, և մենք սիրով Ձեզ կներկայացնենք ծրագրի մանրամասները, դրա բաղադրիչները և բյուջեն։

Շնորհակալ ենք «ԱՐԻ գրականության հիմնադրամի» գործունեությանը ցուցաբերած Ձեր հետաքրքրության համար։