«Անծանոթ ինքնակենսագրություն» Ռուբեն Ֆիլյան

Մանկությանը հրաժեշտ տալուց հետո հեքիաթները վերընթերցելը հեռվից դեպի մանկության կախարդական աշխարհ կատարվող սրընթաց վերադարձ է։ Հրաշքների սրվակը ցավոտ, բայց անզուգական հիշեցում է այն մասին, որ մենք հեքիաթից ենք եկել և այլևս չենք կարող այնտեղ վերադառնալ։ Ուստի մեզ մնում է միայն մեկ ճանապարհ՝ ինքներս դառնալ հեքիաթ։

«Անծանոթ ինքնակենսագրություն», արևելահայերեն, 2024, 108 էջ, կոշտ կազմ՝ ISBN 978-9939-9285-5-5, փափուկ կազմ՝ ISBN 978-9939-9285-4-8։

Հեղինակի մասին

Ռուբեն Ֆիլյանը ծնվել է 1952 թվականին Երևանում։ Նրա առաջին գիրքը՝ «Անծանոթ ինքնակենսագրություն» պատմվածքների ժողովածուն, հրատարակվել է 1980 թվականին, իսկ «Քո երկրի դեսպանը» վեպը լույս է տեսել հեղինակի մահից հետո։ 1981 թվականին նա հեռացել է Խորհրդային Հայաստանից, եղել Ֆրանսիայում, Եգիպտոսում և Հորդանանում, դասավանդել յոգա և կարատե։ Ռուբեն Ֆիլյանը մահացել է 1983 թվականին Հնդկաստանի Գոա նահանգում։