«Վերջին գիշերը երկրագնդի վրա» կոմիքսի շնորհանդեսը
«Վերջին գիշերը Երկրագնդի վրա» կոմիքսի անգլերեն հրատարակությունը, որը ստեղծվել է «Վիզուալ պատմություններ Հայաստանից, Վրաստանից և Ուկրաինայից» նախագծի շրջանակներում, ներկայացվեց Երևանի միջազգային գրքի փառատոնում: Գրքի գլխավոր խմբագիր Միխեիլ Ցիխելաշվիլին (Վրաստան) և հայկական պատմվածքի նկարազարդող Աստղիկ Հարությունյանը մասնակցում էին քննարկմանը, իսկ զրույցը վարում էր ԱՐԻ գրականության հիմնադրամի տնօրեն Արևիկ Աշխարոյանը:
Քննարկման ընթացքում պանելային հանդիպման մասնակիցները խոսեցին նման զգայուն պատերազմական պատմությունները կոմիքսների ձևաչափով ներկայացնելու դժվարությունների և ստեղծագործական գործընթացների, չպատմված պատմություններին ձայն տալու գործում կոմիքսների կարևորության, ինչպես նաև երեք երկրների հեղինակների, նկարազարդողների և խմբագիրների համատեղ ջանքերի մասին։ Նախագծի նկարազարդողները, հեղինակները և խմբագիրը նախ հանդիպել էին և համագործակցել ստեղծագործական կացության ծրագրերի ընթացքում, որտեղ նրանք փոխանակվեցին փորձով, մշակեցին գաղափարներ և սերտորեն համագործակցեցին՝ վերջնական պատմությունները ձևավորելու համար։
Պատմվածքների անգլերեն թարգմանությունները հրապարակվել են նախագծի գործընկեր նիդերլանդական «Պատկերելով ժամանակները» գրաֆիկական լրագրության անգլալեզու հարթակում: Գիրքը նաև կներկայացվի 2025թ․ Ֆրանկֆուրտի գրքի տոնավաճառի շրջանակներում՝ հոկտեմբերի 17-ին, ժամը 14:00-ին, Ֆրանկֆուրտի միջազգային բեմում:
Հայերեն, ուկրաիներեն, վրացերեն, ֆրանսերեն և գերմաներեն լեզուներով հրատարակություններն արդեն ընթացքի մեջ են, ինչը ընդլայնում է այս հզոր պատմությունների հասանելիությունը ընթերցողների համար ամբողջ աշխարհում։
Հետևեք մեզ՝ առաջիկա շնորհանդեսների և նոր հրատարակությունների մասին նորությունների համար։
Իրականացնող գործընկերներ
Աջակից գործընկերներ
Համաֆինանսավորվում է Եվրոպական միության կողմից։ Արտահայտված կարծիքները հեղինանկներինն են։ Եվրոպական միությունը ոչ միայն կարող է չկիսել այդ կարծիքները այլ չի կրում պատասխանատվություն դրանց համար։
