«Վերջին գիշերը երկրագնդի վրա» կոմիքսի հայկական հրատարակության շնորհանդեսը
Նոյեմբերի 26-ին ԹՈՒՄՈ ստեղծարար տեխնոլոգիաների կենտրոնում տեղի ունեցավ «Վերջին գիշերը երկրագնդի վրա» կոմիքսի հայերեն հրատարակության շնորհանդեսը։
Միջոցառումը վարում էր Արևիկ Աշխարոյանը` «ԱՐԻ գրականության հիմնադրամի հիմնադիր տնօրենը»: Շնորհանդեսի ընթացքում հայկական պատմության հեղինակ Անի Ասատրյանը և նկարազարդող Աստղիկ Հարությունյանը մանրամասն խոսեցին նախագծի մասին։ Նրանք նկարագրեցին, թե ինչպես էր ծնվել գաղափարը և աստիճանաբար վերածվել ավարտուն աշխատանքի՝ ուրվագծելով դրա հիմքում ընկած ստեղծագործական ընտրությունները, հետազոտությունները և համագործակցային գործընթացը։ Նրանք նաև քննարկեցին պատերազմը պատկերապատման միջոցով ներկայացնելու մարտահրավերները, թե ինչպես են կարողացել գտնել գեղարվեստական արտահայտչաձևի և հուզական ճշմարտության միջև ճիշտ հավասարակշռությունը։ Աստղիկը և Անին խոսեցին այն մասին, թե ինչպես է նախագիծը ազդել իրենց վրա անձնական և մասնագիտական առումով՝ ձևավորելով իրենց տեսակետները, ամրապնդելով իրենց գեղարվեստական ձայները և թողնելով երկարատև հետք ստեղծագործական ճանապարհորդության վրա։
Կոմիքսը հրատարակվել է ԵՄ «Ստեղծագործ Եվրոպա» ծրագրի կողմից ֆինանսավորվող «Վիզուալ պատմություններ Հայաստանից, Վրաստանից և Ուկրաինայից» նախագծի շրջանակներում, որը իրականացվում է «ԱՐԻ գրականության հիմնադրամի» Վրաստանի գրական նախաձեռնություն կազմակերպության, ուկրաինական Կոմորա հրատարակչության և Նիդեռլանդների «Պատկերելով ժամանակները» հարթակի համագործակցությամբ։
Գիրքը ներառում է երեք պատկերապատում պատերազմների և դրանց հետևանքների մասին կնոջ տեսանկյունից։ Այս պատմությունները կտրում-անցնում են սահմանները և խոսում են մարդկային համատեղ փորձառության մասին՝ պատերազմի աղետի և գոյատևման մասին։
- Վրաստան` «Բազմաց հոսքը»․ հեղինակ՝ Էկատերինե Տոգոնիձե, պատկերապատող՝ Լուկա Լաշխի
- Ուկրաինա` «Վերջին գիշերը երկրագնդի վրա»․ հեղինակ՝ Վիրա Կուրիկո, պատկերապատող՝ Սոֆիա Պոկորչակ
- Հայաստան` «Պատերազմից մեկ մեկ այն կողմ»․ հեղինակ՝ Անի Ասատրյան, պատկերապատող՝ Աստղիկ Հարությունյան
Գրքի հայերեն տարբերակը հրատարակել է «ԷՋ» հրատարակչությունը։
Համաֆինանսավորվում է Եվրոպական միության կողմից։ Արտահայտված կարծիքները հեղինանկներինն են։ Եվրոպական միությունը ոչ միայն կարող է չկիսել այդ կարծիքները այլ չի կրում պատասխանատվություն դրանց համար։
