Գրիգոր Պըլտեանի «Դեպի մեծ փոխաբերութին» և «Ձայնը գրեթէ։ Զրոյցներ Գրիգոր Պըլտեանի հետ» գրքերի շնորհանդեսը
Սեպտեմբերի 6-ին Գրքի Երևանյան միջազգային փառատոնի շրջանակներում տեղի ունեցավ Գրիգոր Պըլտեանի «Դեպի մեծ փոխաբերութին» և «Ձայնը գրեթէ։ Զրոյցներ Գրիգոր Պըլտեանի հետ» գրքերի շնորհանդեսը։
Միջոցառումը վարում էր արձակագիր Արամ Պաչյանը, որը ընթերցողներին ներկայացրեց Պըլտեանի գրական մտածողության առանձնահատկությունները և նրա ստեղծագործական աշխարհը։ Տեսազանգով կապ հաստատվեց նաև հեղինակի՝ Գրիգոր Պըլտեանի հետ, ով շնորհակալություն հայտնեց կազմակերպիչներին ու ընթերցողներին և պատասխանել հնչեցրած հարցերին։
Շնորհանդեսը վերածվեց անկեղծ ու մտերմիկ զրույցի, որտեղ խոսվեց ոչ միայն գրքերի, այլև ժամանակակից գրականության դերի ու ընթերցողի հետ նրա կապի մասին։
«Դեպի մեծ փոխաբերութին» վեպն առաջին անգամ լույս է տեսել Փարիզում՝ 1999 թվականին. մերձավորապես՝ խոհական ուղեգրություն, որը ներքուստ դիմադրում է ժանրային որևէ հնածանոթ կաղապարների։ Սա, անշուշտ, բնորոշ է Պըլտեանի գրականությանը, նրա խոհաշխարհին։
«Ձայնը գրեթէ։ Զրոյցներ Գրիգոր Պըլտեանի հետ» սկսվում է Արամ Պաչյանի «Երկու խոսք» առաջնորդողով, իսկ գիրքը կազմված է երեք զրույցներից, որոնք վարել է Արամ Պաչյանը Գրիգոր Պըլտեանի հետ վերջին 15 տարվա ընթացքում։ Գրքի առանցքը Գրիգոր Պըլտեան գրողի, մտածողի, մշակութաբանի գրականությունն է՝ իր բազմաբովանդակ ճյուղավորումներով։ Եվ, իհարկե, զրույցներում ինքը՝ գրականությունն է, լեզուն, պատմությունը, ժամանակը և այլն։
Գրքերի հրատարակման նախաձեռնողն ու խմբագիրն է Արամ Պաչյանը։
Գրքերը հրատարակվել են «ԱՐԻ գրականության հիմնադրամ»-ի կողմից Գալուստ Կիւլպէնկեան հիմանդրամի աջակցությամբ։
