Լույս է տեսել «Վերջին գիշերը երկրագնդի վրա» կոմիքսը (տեսանյութ)
Լույս է տեսել «Վերջին գիշերը երկրագնդի վրա» կոմիքսը, որը ստեղծվել է ԵՄ Ստեղծարար Եվրոպա նախագծի համաֆինանսավորմամբ՝ «Վիզուալ պատմություններ Հայաստանից, Վրաստանից և Ուկրաինայից» նախագծի շրջանակներում։ Նախագիծն իրականացվել է երեք երկրների (Հայաստան, Վրաստան, Ուկրաինա) գործընկերների կոնսորցիումի կողմից՝ մեր տարածաշրջանում կոմիքսի ժանրի զարգացմանը նպաստելու նպատակով։
Հրատարակությունը միավորում է երեք կին գրողների՝ Անի Ասատրյան (Հայաստան), Էկատերինե Տոգոնիձե (Վրաստան) և Վիրա Կուրիկո (Ուկրաինա)։ Նրանցից յուրաքանչյուրն իր պատմության մեջ անդրադառնում է իր երկրում տեղի ունեցած պատերազմներին և դրանց նախորդած կամ հաջորդած ողբերգական իրադարձություններին։ Կոմիքսի ձևաչափով ներկայացված այս հզոր պատմությունները նոր դիտանկյուն են առաջարկում հակամարտությունների, դիմադրողականության և հիշողության փորձառության վերաբերյալ։
Գրքի պատկերազարդողներն են համապատասխանաբար Աստղիկ Հարությունյանը, Լուկա Լաշխին և Սոֆիա Պոկորչակը։
Գրքի խմբագիր՝ Միխեիլ Ցիխելաշվիլի։
Ձևավորող՝ Կատերինա Բազարովա
Կազմի նկարը՝ Լուկա Լաշխիի
Կազմի տառատեսակի հեղինակ՝ Քեյթ Յաչուզեկ
Կենսագրական էջի ձևավորող՝ Թինա Խուցիշվիլի
Նախագիծը մշակութային համագործակցության, գեղարվեստական փորձի փոխանակման և մասնակից երկրների միջև կապերի ամրապնդման վառ օրինակ է: Այս նախագիծը ընդգծում է ԵՄ-ի հանձնառությունը՝ աջակցելու միջմշակութային երկխոսությանը, ստեղծագրությանը և նոր գեղարվեստական դրսևորումներին տարածաշրջանում:
Ստորև կարող եք դիտել գրքի թրեյլերը (տեսանյութ)։
Համաֆինանսավորվում է Եվրոպական միության կողմից։ Արտահայտված կարծիքները հեղինանկներինն են։ Եվրոպական միությունը ոչ միայն կարող է չկիսել այդ կարծիքները այլ չի կրում պատասխանատվություն դրանց համար։
