ԱՐԻկարդանք գրքի ակումբ

«ԱՐԻկարդանք» ակումբը  ընթերցանության խթանման նախաձեռնություն է, որի նպատակն է զարգացնել ընթերցանության սովորությունները վաղ տարիքից, դարձնել ընթերցանությունը գրավիչ գործիք` գիտելիքներ ձեռք բերելու համար, և միևնույն ժամանակ ժամանցի այլ տարբերակներին մրցակցող զբաղմունք։ «ԱՐԻկարդանք» ակումբի գործունեությունը ուղղված է տարրական և միջին դպրոցի աշակերտների ընթերցանության, ստեղծագրության, քննադատական մտածողության և հանրային խոսքի հմտությունների ամրապնդմանը։ Ակումբը հյուրընկալում է գրողների և այցեր կկազմակերպի գրախանութներ, գրադարաններ և թանգարաններ:

Ընթերցանության հմտությունները և սովորությունները շատ կարևոր են բոլոր առարկաների հեշտ ուսումը ապահովելու համար: Ակնհայտ է, որ ընթերցասեր դպրոցականների առաջադիմությունը բոլոր առարկաներից ավելի բարձր է։ Հայաստանում դպրոցական երեխաները հաճախ դժվարանում են կարդալ անգամ միջին և ավագ դպրոցի տարիներին: Ընթերցանության և գիտելիքի հանդեպ հետաքրքրության ընդհանուր նվազման, ինչպես նաև գրականության գրավիչ դպրոցական ծրագրի բացակայության պատճառով, այս միտումը շարունակում է։ 

ԱՐԻ գրականության հիմնադրամը նախաձեռնել է ԱՐԻկարդանք  ծրագիրը նպատակ ունենալով լրացնել այս բացը։

ԱՐԻկարդանք 2019 ամառային ճամբար

ԱՐԻկարդանք 2019 ամառային ճամբարը հյուրընկալեց տարրական և միջին դպրոցական տարիքի երեխաների։ Ծրագրի ընթացքում երեխաները կարդացին ընտրված գրքեր, որոնք ներկայացնում էին տարբեր մշակույթների, կենսակերպերի, կարծիքների և դրանց արտահայտման բազմազանությունը։ 

Երեխաները սովորեցին թե ինչպես կարդալ, հասկանալ տեքստերում ներկայացված գլխավոր գաղափարները, վերլուծել դրանք և արտահայտել իրենց կարծիքը, համաձայնվել կամ բանավիճել ինչպես նաև խոսել իրենց հուզող կարևոր սոցիալական հարցերի շուրջ։ Կազմակերպվեցին այցեր գրախանութ և տպարան՝ ծանոթանալու ոլորտի մասնագիտություններին, գրքի տպագրության և վաճառքի գործընթացներին։ 

2019 ամառային ճամբար
(լուսանկարներ)

2019 ամառային ճամբար (տեսահոլովակներ)

ԱՐԻկարդանք 2020 առցանց ծրագիր

2020 թվականին Քովիդի համաճարակի հետևանքով ստեղծված իրավիճակի և սոցիալական շփման սահմանափակումների պատճառով ԱՐԻկարդանք ծրագիրը տեղափոխվեց առցանց։ Դիտեք մի քանի տեսահոլովակ ծրագրից։ 

Եթե հետաքրքրված եք 2021 թվականի ամառային ծրագրով հետևեք մեր նորություններին և սոցիալական ցանցերում մեր էջերին։