«ՏԱՐԲԵՐ ՊԱՏՄՈՒԹՅՈՒՆՆԵՐ․ նկարազարդ գրքեր» նախագիծ։ Այցելություն Կոտայքի մարզային գրադարան
Մայիսի 19-ին «ԱՐԻ գրականության հիմնադրամի» թիմը «ՏԱՐԲԵՐ ՊԱՏՄՈՒԹՅՈՒՆՆԵՐ․ նկարազարդ գրքեր» նախագծի մարզային այցերի շրջանակներում այցելեց Կոտայքի մարզային գրադարան՝ ներկայացնելու և հանդիպման մասնակիցներին նվիրելու ծրագրի շրջանակներում լույս տեսած «Ես խոսում եմ պարելով» և «Չեմպիոնը» ներառական գրքերը։
Տեղի ունեցավ երկու հանդիպում՝ նախ դպրոցի աշակերտների, իսկ հետո ուսուցիչների հետ։
Հանդիպման հյուրերն էին Հրազդան քաղաքի թիվ 2 և թիվ 4 դպրոցների աշակերտները։ Գրքերն ընթերցելուց և քննարկելուց հետո աշակերտներին խնդրեցինք մեկ բառով ասել, թե ինչի մասին էին գրքերը։ Եվ այդ բառերից էին՝ ուժ, կամք, երազանք, նպատակ, սեր, ընկերություն, բարություն, աշխատասիրություն։ Աշակերտների հետ զրուցեցինք նաև իրենց երազանքների, նպատակների, ապագա մասնագիտության ընտրության մասին։
Այնուհետև կայացավ հանդիպում ուսուցիչների և հոգեբանի հետ։ Զրույցի ընթացքում նրանք երկուսն էլ նշեցին, որ իրենց դպրոցում ևս առկա է ներառական ուսուցում, դպրոցում կան ուսուցիչների օգնականներ, ներառված աշակերտներն էլ հնարավորինս ներգրավված են ուսումնական, ուսուցողական, ժամանցային բոլոր ծրագրերում։
Գրքեր նվիրեցինք նաև գրադարանին և Հրազդան քաղաքի՝ հատուկ կարիքներ ունեցող երեխաների կենտրոնին։
Հատուկ շնորհակալություն
ենք հայտնում Կոտայքի մարզային գրադարանին՝ ի դեմս տնօրեն Անահիտ Խեչոյանի,
հանդիպումը բարձր մակարդակի վրա կազմակերպելու և մեզ հյուրընկալելու համար։