Լույս է տեսել Անտոնիո Գրամշիի «Բանտային տետրեր» գիրքը

Գրքի մասին

«Բանտային տետրերը» (իտալերեն՝ Quaderni del carcere) իտալացի մարքսիստ Անտոնիո Գրամշիի էսսեների ժողովածու է։ Գրամշին բանտարկվել է իտալական ֆաշիստական ռեժիմի կողմից 1926թ։ Նոթատետրերը գրվել են 1929-1935թթ, երբ Գրամշին վատառողջ լինելու պատճառով բանտից տեղափոխվել է բժշկական կենտրոն: Նրա ընկերը՝ Պիերո Սրաֆան էր մատակարարում նրան գրենական պիտույքներով ու տետրերով։ Գրամշին մահացել է 1937 թ․ ապրիլին։

Անազատության տարիներին գրել է ավելի քան 30 տետր և 3000 էջ պատմություն և վերլուծություն։ Թեև դրանք համակարգված կերպով չեն գրվել, այնուամենայնիվ «Բանտային տետրերը» համարվում է խիստ ինքնատիպ ներդրում 20-րդ դարի քաղաքական տեսության մեջ: Գրամշին օգտվել է տարբեր աղբյուրներից ու ոչ միայն այլ մարքսիստներից, այլ նաև այնպիսի մտածողներից, ինչպիսիք են Նիկոլո Մաքիավելին, Վիլֆրեդո Պարետոն, Ժորժ Սորելը և Բենեդետտո Կրոչեն: Նրա նոթատետրերն ընդգրկում են թեմաների լայն շրջանակ, այդ թվում՝ Իտալիայի պատմություն և իտալական ազգայնականություն, Ֆրանսիական հեղափոխություն, ֆաշիզմ, թեյլորիզմ և ֆորդիզմ, քաղաքացիական հասարակություն, բանահյուսություն, կրոն և բարձր ու ժողովրդական մշակույթ:

1930-ակկաներին նոթատետրերն անօրինական ճանապարհով դուրս են բերվել բանտից։ Առաջին հրատարակությունը լույս է տեսել 1947թ և մի քանի ամիս անց արժանացել Վիարեջիոյի մրցանակին։ Գրամշիի՝ Վիարեջիոյի հետմահու մրցանակին հաջորդեց 1947 թ․ ապրիլի 28-ին Իտալիայի Հիմնադիր ժողովի կողմից բացված հուշահամալիրը: Առաջին անգլերեն թարգմանությունը տպագրվել է 1970թթ շոտլանդացի բանաստեղծ և բանահավաք Համիշ Հենդերսոնի կողմից: